Улаанбаатарт 14-16 градус хүйтэн байна
Нийтэлсэн: 2012-11-27 03:05:45
УЛААНБААТАР ХОТ: Үүлшинэ. Бага зэргийн цас орж, цасан шуурга шуурна. Салхи хойноос секундэд 6-11 метр, өдөртөө зарим үед секундэд түр зуур 16-18 метр хүрч ширүүснэ. Шөнөдөө 18-20 градус, Яармаг-Сонгины орчмоор 25-27 градус, өдөртөө хүйтэрч 14-16 градус хүйтэн байна.
БАРУУН АЙМГУУДЫН НУТГААР: Шөнөдөө үүлэрхэг, нутгийн зүүн хэсгээр бага зэргийн цас орж, цасан шуурга шуурна. Өдөртөө үүл багасна,цас орохгүй. Салхи баруун хойноос секундэд 7-12 метр, шөнөдөө Говь-Алтай, Баянхонгорын зарим нутгаар, өдөртөө Баянхонгорын зарим нутгаар секундэд 18-20 метр хүртэл ширүүснэ. Хүйтэрч Алтай, Хангайн уулархаг нутаг, Идэр, Тэс голын сав газраар шөнөдөө 26-31 градус, өдөртөө 15-20 градус, Эхийн голын Баян-бүрд орчмоор шөнөдөө 8-13 градус, өдөртөө 5-10 градус, бусад нутгаар шөнөдөө 18-23 градус, өдөртөө 11-16 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө ихэнх нутгаар, өдөртөө нутгийн зүүн хэсгээр цас орно. Салхи баруун өмнөөс хойш эргэж секундэд 7-12 метр, нутгийн өмнөд хэсгээр секундэд 16-18 метр хүрч хүчтэй цасан шуурга шуурна. Хангай, Хөвсгөлийн уулархаг нутаг, Ерөө, Туул голын сав газраар шөнөдөө 24-29 градус, өдөртөө хүйтэрч 17-22 градус, бусад нутгаар шөнөдөө 15-20 градус, өдөртөө хүйтэрч 11-16 градус хүйтэн байна.
ЗҮҮН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө ихэнх нутгаар цас орж, цасан шуурга шуурна. Салхи баруун өмнөөс хойш эргэж секундэд 5-10 метр, өдөртөө зарим газраар секундэд 12-14 метр хүрч ширүүснэ. Онон, Хэрлэн, Улз, Халх голын сав газраар шөнөдөө 18-23 градус, өдөртөө хүйтэрч 10-15 градус, бусад нутгаар шөнөдөө 14-19 градус, өдөртөө 5-10 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи хойноос секундэд 5-10 метр. Шөнөдөө 25-27 градус, өдөртөө 11-13 градус хүйтэн байна
ГОВИЙН АЙМГУУДЫН НУТГААР: Солигдмол үүлтэй. Шөнөдөө нутгийн хойд хэсгээр, өдөртөө нутгийн зүүн хэсгээр бага зэргийн цас орж, цасан шуурга шуурна. Салхи баруун өмнөөс хойш эргэж ихэнх нутгаар секундэд 16-18 метр, зарим үед секундэд 24 метр хүрч ширүүснэ. Шөнөдөө Өмнөговийн нутгаар 7-12 градус, бусад нутгаар 13-18 градус, өдөртөө Дундговийн нутгаар хүйтэрч 9-14 градус, бусад нутгаар 5-10 градус хүйтэн байна.
