Улс тунхагласны ойн барилдаан 14 цагаас эхэлнэ
Нийтэлсэн: 2012-11-26 05:16:06
Бүгд найрамдах улсыг тунхагласны 88 жилийн ойд зориулсан улс аймгийн алдар цолтой хүчит 256 бөхийн уламжлалт барилдааныг зохион байгуулахаар болжээ.
Уг нь энэ өдрийг орон даяар тэмдэглэхийг цуцалж, мөн энэ өдөр болдог Үндэсний бөхийн барилдааныг ч зохион байгуулахгүй гэх шийдвэрийг ч Монголын Үндэсний бөхийн холбоо гаргаад байсан юм.
Харин тус холбоо энэхүү шийдвэрээ эргэн харж, Монгол Ардын Хувьсгалт намтай хамтран зохион байгуулахаар өнгөрсөн бямба гаригт шийдвэрлэсэн байна.
Тиймээс өмнө өгч байсан Улс тунхагласаны баяраар бөх барилдахгүй гэсэн мэдээллээ залруулж, энэ өдрийг угтсан бөхийн барилдаан өнөөдөр Бөхийн өргөөнд 14 цагаас эхлэхийг уншигчиддаа хүргэж байна.
