Ч.Хүрэлбаатар, Б.Чойжилсүрэн нарын хувь заяа дахин дэнслэгдэх үү
Нийтэлсэн: 2012-11-26 05:02:21
Өнгөрсөн долоо хоногтийн сүүлээр Увс аймгийн Захиргааны хэргийн шүүхэд АН-ын гомдлын дагуу УИХ-ын гишүүн Ч.Хүрэлбаатар, Б.Чойжилсүрэн нарыг шүүх хурал болсон билээ. Шүүх хурлын дараах нь тэднийг буруутайд тооцсон гэж байсан ч үнэн хэрэг дээрээ тэднийг буруугүйд тооцож, УИХ-ын бүрэн эрхийг түтгэлзүүлэхгүй болсон талаар албаны эх сурвалжууд мэдээлэл өгсөн.
Гэвч энэ хоёр гишүүний бүрэн эрх хэвээр үлдэх эсэх асуудлыг хариуцагч тал буюу СЕХ-нд үлдээсэн гэнэ. Учир нь өнгөрсөн зургаадугаар сарын 27-нд Ардчилсан намаас Увс аймгийн Захиргааны хэргийн шүүхэд “УИХ-ын сонгуулийн 15 дугаар тойрогт МАН-аас нэр дэвшигч Ч.Хүрэлбаатар, Б.Чойжилсүрэн нарыг нэр дэвшигчийн нэрсийн жагсаалтаас хасах, УИХ-ын гишүүний түр үнэмлэхийг эргүүлэн татах” гомдлыг гаргасан байжээ.
Энэ нэхэмжлэлийн дагуу Захиргааны хэргийн шүүх хурлаар хэлэлцэж, АН-ын гомдлын дагуу нэр дэвшигчдийг эргүүлэн татах, нэрийн жагсаалтаас хасах шаардлагагүй гэсэн шийдвэр гаргасан байна. Ингэхдээ тус намын гаргасан бүх гомдлыг хасахгүйгээр СЕХ өөрийн бүрэн эрхийн хүрээнд үлдсэн асуудлыг шийдвэрлэх боломжтой гэж үзсэн байна. Тиймээс гомдол гаргагч тал дараагийн шатны шүүхэд хандаж, шүүх СЕХ Ч.Хүрэлбаатар, Б.Чойжилсүрэн нарын эсрэг шийдвэр гаргавал хуулийн дагуу УИХ-ын гишүүний бүрэн эрхийг хүчингүй болгох юм байна.
