Д.Бумбаярын зааны гэргий гэрлийн хурдаар дэвшиж байна
Нийтэлсэн: 2012-11-26 12:40:45
Бөхийн эхнэр гэхээр л гэрийнхээ ажлыг хийгээд хүүхдүүдийнхээ боловсролд анхаарал хандуулж чимээ аниргүй амьдрах хэрэгтэй гэсэн нэгэн хэвийн орчныг өөрчилж чадсан эмэгтэй бол Д.Бумбаяр зааны эхнэр Ц.Одонтунгалаг. Эзэмшсэн мэргэжлээрээ салбартаа толгой цохиж болдогыг амьдрал дээр харуулж яваа тэрээр сүүлийн жилүүдэд өмгөөлөгч хийж байсан бөгөөд Ардчилсан намын идэвхтэй гишүүдийн нэг. Баянгол дүүргээс Иргэдийн төлөөлөгчдийн хуралд нэр дэвшиж сонгогдсон Ц.Одонтунгалаг хатагтай нэлээн зарчимч бөгөөд хүний өөрийн гэлгүй шударга бус зүйл гаргавал хэнбугай ч хамаагүй хэлэх зүйлээ хэлж байж л санаа амардаг гэнэ. Тухайлбал орон нутгийн сонгуульд нэг гэр бүлээс 14 хүнээ нэр дэвшүүлж байгаа УИХ-ын гишүүн, сайд С.Эрдэнэтэй ч мөчөөрхөөд авсан тэрээр гэрлийн хурдаар дэвшиж байгаа нь татаас энэ тэр гэхээсээ илүүтэй шударга, зарчимч чанарыг нь үнэлсэнтэй холбон тайлбарлаж байгаа. Төрийн өмчит “Автобус1” компанийн захиралаар томилогдсон Ц.Одонтунгалаг очингуутаа ажилчдынхаа нийгмийн ахуй хангамжид анхаарал хандуулж байгаа ба тэр хэмжээгээр үүрэг хариуцлагыг ч чангатгаж ажлыг зөв эхлүүлж байгаа юм байна.
Б.Болор
Shock.mn
