Өнөө шөнө Аваргуудын лигтэй
Нийтэлсэн: 2012-11-20 03:56:31
Долоо хоног хүлээсний эцэст хүсэн хүлээсэн мөч ирж байна.
Эхлээд Турины Ювентус Лондонгийн бахархалыг талбайдаа хүлээн авах бол Москвагийн Спартак Каталончуудтай нүүр тулах нь ээ.
Тэднээс юугаараа дутах вэ гэсэн шиг Испаний Валенсия Герман машинуудыг нутагтаа уриад амжсан сурагтай. Ширүүн хэмнэлийг шинэ цэрэг Ноорджаилланд уурхайчдыг хүлээн авснаар үргэлжлүүлэх гэнэ.
Харин дуулиан шуугианы эзэд Батэчууд Францын Лиллийг барна гэж бодсон бололтой. Аваргуудын лиг л хойно сул өрсөлдөгч гэж юу байхав. Кльюж Брага хоёрын тоглолт ч олны анхааралд өртөөд байгаа. Португалийн Бенфика эн тэнцүүхэн Селтиктэй учраа таарсан нь энэ тойргийг яах аргагүй халуун болгож буй нэгээхэн шалтгаан биз ээ.
Улаан чөтгөрүүдийн хувьд Туркийг зорихоор болсон. Учир нь нутагтаа дархан гэгддэг Галатасарай тэднийг тулаанд дуудаад байгаа гэнэ шүү. Тоглолтууд монголын цагаар шөнийн 3:45 - д болох юм.
