Quiza VS “Мөрөөдлийн театр”
Нийтэлсэн: 2012-11-20 03:14:21
Өнгөрсөн УИХ-ын сонгуулиас эхлээд улс төрийн хүчнүүд жүжигчилсэн маягтай богино хэмжээний сурталчилгаа хийж “уран бүтээлчдийг” тоглуулах болсон. Цогоо гуай Хүрлээтэйгээ хамт Г.Баярсайхан гишүүнийг зад рекламдсан. Одоо ч Хүрлээ хүү Сонгинохайрхан дүүргийн АН-ыг “хүрлээдээд” явж байна. Гэхдээ урлагийнхнаас жинхэнэ ардчилагч нь Quiza байсаар ирсэн. Өмнөх Ерөнхийлөгчийн сонгуулиар 150 саяын өрөнд унаж байж Дархан, Эрдэнэтэд Ц.Элбэгдоржыг ялуулсан. Тухайн үед АН-ын генсэк байсан Д.Эрдэнэбат мөнгөн дээрээ луу унжсан ч мань эр ардчилалдаа үнэнч хэвээрээ үлдсэн гэнэ. Тэгвэл байгуулагдаад удаагүй байгаа “Мөрөөдлийн театр”-ынхан МАН-ыг барааджээ. УИХ-ын сонгуулиар МАН ачааны хүндийг үүрдэг хэмээн Алтаншагай, Батаа хоёр их “далдагнасан”. Энэ удаад ч гэр хорооллынхны халаалт халуун усыг “шийднэ “гээд аавынхаа үнэтэй цайтай хөөргийг нь аваад бултаж байгаа АН-ын залуугийн дүрийг Алтаншагай чадамгай “бүтээсэн”. Энэ үзүүлбэрийнхээ төлөө 8 саяыг авсан гэсэн. Ийнхүү урлагийнхан хүртэл улс төржиж хуваагдаад мөнгө хийдэг болжээ.
NUUTS.MN Б.Далай
