Хямд нүүрс борлуулагч айл нь АН-ын гишүүн байх ёстой
Нийтэлсэн: 2012-11-19 03:26:40
.jpg)
Орон нутгийн сонгуулиар нэгэн сонирхолтой зүйл илэрлээ. Засгийн газраас өгч байгаа хямд нүүрсний борлуулагчдын бараг 80 гарй хувь нь АН-ын гишүүд байж таарчээ. Шинэчлэлийн Засгийн газар гэр хорооллынхныг “өрөвдсөндөө” хаа хол байсан Багануураас нүүрс зөөж ирж хямдаар борлуулж байгаа. Хажууханд нь Налайхын уурхай байсаар байтал тэр холоос зөөгөөд байгаа нь хачирхалтай. Дээр нь Багануурын нүүрс Налайхаас илчлэг муутай, үнс их гардагийг бүгд мэднэ. Гэсэн ч хоёр хувийн компани Толгойт, Амгалан хоёр өртөөнд нүүрс шуудайлан борлуулалтын цэгээр дамжуулан түгээж эхэлсэн. Борлуулалтын сүлжээ нь хоёр хорооны дунд 1 айл байхаар тооцсон аж. Гэтэл орон нутгийн сонгууль эхлэхтэй хамт нөгөө борлуулагч айлын хашаан дээр АН-ын туг намирах болсон. Хямд нүүрс борлуулах айлыг сонгохдоо байрлал, хашааны багтаамж зэргийг нь тооцохоосоо илүүтэйгээр намын харьяалалыг нь хамгийн эхэнд авч үзсэн нь энэ аж. Одоо хямд нүүрсийг аль нам өгч буян болж байгааг хашаан дээр нь зоолттой тугийг харсан хэн ч ойлгоно биз.
NUUTS.MN С.Хажидмаа
