Нууц мэдээллийн уурхай

34 настай Жан Фэнг хэмээх хятад эр гоо сайхны хагалгаа хийлгэж өөрийн төрөлхийн царай зүсээ нуусан хэмээн эхнэрээсээ 120 мянган доллар нэхэж шүүхэд ханджээ.  Бүх явдал шинэхэн төрсөн охиноос болсон гэнэ.  Төрөх газар охиноо хараад өөртэй нь болон үзэсгэлэнт эхнэртэй нь огтхон ч төсгүй байгаад гайхаж бухимдсан хятад эр хэл ам дэгдээжээ. Эхлээд генетикийн шинжилгээ өгөхөд төрсөн эцэг нь мөн гэсэн хариу гарч.  Гэсэн ч энэ нь хартай нөхрийг тайвшруулаагүй агаад эхнэрээ ширүүнээр байцааж бас хувийн мөрдөгч хөлслөн урдах амьдралыг нь тандуулсны эцэст нэгэн нууцыг илрүүлжээ.  Жан Фэнгийн эхнэр нь түүнтэй танилцахаас өмнө гоо сайхны хагалгаа хийлгэж гаднах дүр төрхөө 100 хувь өөрчилсөн байж.  Бараг зуугаад  мянган долларын хагалгаа хийлгэж байж  “нугасны муухай дэгдээхэйгээс” үзэсгэлэн төгөлдөр бүсгүй болон хувирч.  Царайлаг ээжээс царай муутай охин төрсний гол шалтгаан нь үүнд байж.  Зад хууртагдсан гэж үзсэн хятад эр өөрийн төрөлхийн царай зүсээ нууж хуурсан хэмээн эхнэрээсээ салах өргөдлийг 120 мянган долларын нэхэмжлэлтэй хамт гаргаж.  Шүүх ч мөнгө төлөх учиртай гэсэн шийдвэр гаргажээ.  Гол нотолгоо нь Жан Фэнгийн хөлсөн мөрдөгчдийн хагалгаа хийсэн эмнэлгийн архиваас олсон эхнэрийнх нь хагалгааны өмнө авхуулсан зураг болжээ.  Гэсэн ч энэ явдлын цаад шалтгаан нь ердөө охин төрсөнд байгаа гэнэ. Хятадад нэг хүүхдийн бодлого явагдсанаас хойш охид адлагдах болсон.  Охинтой болсондоо сэтгэл дундуур байсан Жан Фэнг царай муутай төрсөнд нь бүр ч бухимдсан аж.

NUUTS.MN С.Сондор