Эрхүүгийн эрдэмтэд Монголын агаарын бохирдолыг нэг мөсөн халах төхөөрөмж бүтээжээ
Нийтэлсэн: 2012-11-02 05:10:50
Эрхүүгийн техникийн улсын их сургуулийн үндэсний паркийн “Термостат” сайжруулалтын төслийн ажилтанууд Монгол улсад гарах “Азийн хаалга” үзэсгэлэнд монгол гэрийг халаах хосгүй цахилгаан төхөөрөмжийг дэлгэн харуулах гэнэ. Энэхүү төхөөрөмж нь Монгол улсад нэн шаардлагатай байгаа гэрийг халаахын зэрэгцээ хотын агаарын бохирдлыг шийдвэрлэх боломжтой гэж үзжээ. Үзэсгэлэн 11 дүгээр сарын 5наас 8-нд Улаанбаатар хотноо Монголын үндэсний худалдааны танхимын цогцолборт гарах гэнэ. Монголын хот, аймгуудад агаарын бохирдол хэвийн хэмжээнээс хэд дахин хэтэрсэн бөгөөд тус улсын эрх баригчид экологийн байдлыг сайжруулахыг туйлын их хүсч байна хэмээн РИА новости мэдээллээ.. “Эрхүүгийн Техникийн их сургуулийн эрдэмтдийн санал болгоод байгаа уг систем нь гадаа -30-35 С хүйтэнд, гэрийг 20-25 С хүртэл хурдан халаах боломжтой . Ингэхдээ уг системийн хүчин чадал ердөө 1,5-1,8 киловатт байх юм. Нэг гэрт тавигдах ийм төхөөрөмжийн өртөг ердөө л 300 ам. доллар байна хэмээн тус их сургуулийн мэдэгдлээ. Эрхүүгийн Техникийн их сургуулийн эрдэмтэд Монголын эрх баригчидтай энэхүү төөхөрөмжийн талаар хэлэлцээ хийхээр төлөвлөж байгаа гэнэ. Түүнчлэн, Эрхүүгийн төлөөлөгчдийн бүрэлдэхүүнд энэхүү төслийг хөгжүүлэхээр сонирхож байгаа Солонгосын түншүүд ч Монголын эрх баригчидтай уулзахаар төлөвлөж байгаа аж.
С.Майкл
