Хаан банкинд халдсан этгээдийг энэ сарын 6-нд шүүнэ
Нийтэлсэн: 2012-11-01 03:19:40
Налайх дүүргийн “Хаан банк”-ны салбарт хоёр иргэнийг буудаж хүнд гэмтээн, нэг хүний амь насыг хөнөөсөн А.Бат-Ялалтад холбогдох хэргийн мөрдөн байцаалтын ажиллагаа дуусч, Нийслэлийн прокурорын газарт хянагдаж байсан.
Харин прокурорын газраас хэргийг хянан үзээд, харьяаллын дагуу Налайх дүүргийн шүүхэд шилжүүлсэн билээ. Энэ дагуу түүнийг ирэх мягмар гаригт буюу энэ сарын 6-нд шүүхээр болжээ. А.Бат-Ялалтыг банкинд их хэмжээний өртэй байснаас хэргийг үйлдсэн гэдэг. Харин мөрдөн байцаалтын тэрээр банкинд биш таньдаг гурван хүндээ өртэй байсан нь тогтоогдсон юм.
Мөн А.Бат-Ялалтад буу бэлтгэж өгсөн гэх Дархан-Уул аймгийн иргэн Э-г сэжиглэн шалгаж байсан ч хэрэгт холбогдолгүй хэмээн сулласан билээ.
Б.Отгоо
