Ээлжит бус чуулганаар цөмийн хог хаягдлыг Монголд булшлах эсэхийг хэлэлцэнэ
Энэ сарын 31-нээс 4-р сарын 1-ний өдрүүдэд АНУ-ын Вашингтон хотноо Цөмийн аж үйлдвэрийн дээд хэмжээний чуулга уулзалт болно. Энэхүү чуулга уулзалт АНУ-ын санаачилгаар 2010 оноос хоёр жил тутам зохиогдож байгаа бөгөөд энэ удаагийн дөрөв дэх чуулган зорилгоо гүйцэлдүүлж чадвал сүүлийнх болох учиртай. Ийм чуулган хийх санаачилгыг 2009 онд АНУ-ын Ерөнхийлөгч Барак Обама дэвшүүлэн тавьж, 2010 онд анхны чуулганыг мөн Вашингтон хотноо хийж байсан юм. Тухайн үед дөрвөн жилийн хугацаанд гурван удаа чуулган хийж, дэлхий ниймийг цөмийн аюулаас найдвартай бүрэн хамгаалах, улс орнуудын түншлэлийг бий болгох зорилт тавьж байсан ч төдийлэн үр дүнд хүрээгүй. Энэ удаагийн БНХАУ-ын дарга Си Жиньпин, Энэтхэгийн ерөнхий сайд Нарендра Моди, Казахстаны “мөнхийн” ерөнхийлөгч Нурсултан Назарбаев, БНСУ-ын Пак Гын Хе, Японы Шинзо Абе нар байгаа. Энэ долоо хоногт болох Цөмийн аж үйлдвэрийн дээд хэмжээний уулзалт болох гэж буйтай холбогдуулан Олон улсын атомын энергийн агентлагаас гишүүн орнууддаа, тэр дундаа Цөмийн материалыг биечлэн хамгаалах тухай конвенцийн нэмэлтэд нэгдэж ороогүй байгаа улсуудад хандаж конвенцийн нэмэлтийг хүчин төгөлдөр болгож мөрдүүлэхэд дэмжлэг үзүүлэх талаар ажиллах хүсэлт тавьсан. Дэлхийн улс орнууд энэ конвенцод нэгдэн орсоор байгаа ч хүчин төгөлдөр болоход есөн орны санал дутаж байгаа юм. Тиймээс Монгол улс энэ асуудалд анхаарал хандуулж, дэлхий нийттэй хөл нийлүүлэн алхах зорилгоор ээлжит бус чуулгын зарлаж цөмийн асуудлаарх конвенц, протоколуудад нэгдэн орох гэж байна. Нэн ялангуяа энэ он гарсаар Хойд Солонгос устөрөгчийн бөмбөг туршиж, хоёр ч удаа пуужин харваж дэлхийн амар амгаланг эвдээд байгаа энэ үед цөмийн асуудлаарх Азийн бүс нутгийн орнуудын нэгдмэл байр суурь чухал байгаа. Энэ хуралд манай ерөнхийлөгч мөн оролцоно. Түүнийг энэ хуралд хэлэх үгтэй очуулахын тулд ээлжит бус чуулган зарлан энэ асуудлыг хэлэлцэх гэж байна.
