Монголын Зэвсэгт хүчний яруу алдарт баярын мэндийг хүргэе
Монголын төрт ёсны 2000 гаруй жилийн түүх нь бүхэлдээ цэргийн түүх юм. Монгол цэрэг төр, цэргийн алба нэгдмэл үйл ажиллагаатай бөгөөд хамгийн хүчирхэг, хамгийн их дэг журамтай, хууль дүрмийг чандлан биелүүлдэг байсныг түүх гэрчилнэ. Энэ ч чанараараа цэргийн алба хаасан хүнийг төрийн албанд авч түшмэл болгодог, цэргийн алба хаасан хүнийг улс төрийн сонгуульд нэр дэвшихийг зөвшөөрдөг гээд нилээд улс орны ашиг сонирхол төрийн өндөр ёс суртахууныг агуулсан уламжлалыг үргэлжлүүлж байна. Төрөөс төрийн албыг чадваржуулах, зөвхөн хуулийн хүрээнд ажилладаг байх хатуу шаардлагыг тавьж нилээдгүй олон журам, заавар, зөвлөмж гаргаж төрийн албан хаагчид, төрийн байгууллагуудын ажлыг дүгнэж хэвшээд байна. Ард түмэн маань цэргийн хуаранд явж, цэгц журмын нөхөр болсон юм, цэргийн алба эрдмийн алба, цэрэг хүний үг цэцэн бөгөөд шулуун, цэргийн алба тэсвэр хатуужлын сургууль гэж хэзээнээсээ ярьж хэвшин төрийн албаны мөн чанаруудыг илэрхийлсэн байдаг. Өдгөө дотоодын нийт бүтээгдэхүүнд эзлэх батлан хамгаалах зардал нь ДНБ-ний 0.,98 хувьтай байна. Үүнийг 2 хувьд хүргэх зорилт тавиад байгаа аж. Зэвсэг техникийн шинэчлэлийн хувьд бид зэвсэглэлдээ хуучнаар ЗХУ, одоогийн ОХУ-ын зэвсэг техникүүдийг ашиглаж байна. Эдгээр зэвсэг техникүүдийн зарим нь ОХУ-ын зэвсэглэлээс хасагдсан. Сүүлийн үеийн дайн, байлдааны явцаас сургалт, дүгнэлт хийхэд зэвсэг техник хуучирсан гэдэгтээ гол нь биш, яаж чадварлаг ашиглаж хэрэглэж байна гэдэгтээ гол мөн чанар нь байна гэж Монголын цэргийн шинжээчид дүгнэж байгаа. Хэдийгээр хоёр хөрш манай улсын тусгаар тогтнол, бүрэн эрхэт байдлыг хүндэтгэхээ амлаж байгаа ч олон улсын харицлааны түүхэнд “үүрд орших эрх ашиг” гэж байдаггүй. Цэргийн гаднах заналхийллээс илүүтэйгээр дотоодод улс орныг хамарсан үймээн самуун дэгдээх, нийгмийг тогтвортгүй болгох, цагаач болон өөрийн талыг баримтлагсадыг дэмжих нэрээр манай улсын дотоод хэрэгт оролцох замаар тусгаар тогтнолд аюул учруулах ажиллагааг Орос, Хятадын зүгээс явуулах аюултай юм.
NUUTS.mn
