Америкийн хувийн “эрүүдэн шүүгчид” улсынхаас 4 дахин их цалин авдаг байжээ
Эрх чөлөөний гэх энэ орны төр засгийн нэр хүндийг шороонд хутгасан хэрэг дэгдээд байгаа нь ТЕГ нь байцаалтанд эрүүдэн шүүсэн шуугиан юм. Албан ёсны баримт бичигт үүнийг байцаалтын нэг арга хэлбэр гээд “байцаалтын шахах арга” гэж нэрлэжээ. ТЕГ энэ аргаа хэрэглэж ирсэнээс хойш нийтдээ 119 хүнд хэрэглэснээс 26 нь гэм буруутай гэдэг нь бүрэн тогтоогдоогүй сэжигтэн байжээ. Тагнуулынхан шуугиан дэгдмэгц эд мөрийн баримтаа шуурхай устгасан ч зарим нэгийг нь тусгай комисс олж авч. “Байцаалтын шахах арга” -д нэг буюу түүнээс хоногоор унтуулахгүй байх, толгойг нь усанд дүрэх, хүйтэн бетонон хананд наалдуулан гавлах, өлсгөлөн зарлагчдийг хүчээр шулуун гэдсээр нь хооллох зэрэг ордог байжээ. 2002 онд Жорж Бушийн үед энэ аргыг хэрэглэхийг ёс төдий хориглосон нь дөрвөн жилийн дараа л алдаг оног хэрэгжиж эхэлж. “Байцаалтын шахах арга” гэгчид “хувийн хэвшлийнхэн” оролцдог байжээ. Энэ аргыг хэрэглэх хөтөлбөр, удирдамж зааварчилгааг боловсруулсан хоёр сэтгэлзүйч л гэхэд ажлын хөлсөнд 2005-2009 оны хооронд 81 сая доллар авч. Хөтөлбөрийн хэрэгжилтэнд “гэрээгээр” оролцож байсан хувийн хэвшлийнхэн өдрийн 800 долларын хөлс авч байсан ТЕГ-ын жирийн мөрдөгчийн цалингаас 4 дахин их байжээ. Нийтдээ энэ хөтөлбөрд 300 сая доллар зарцуулсан гэсэн тооцоо гарч. Гэтэл үр дүн нь тааруухан байж. Эрүү шүүлтэнд өртсөн сэжигтнүүд амиа аврахын худал зохиомол мэдүүлэг өгдөг нь ТЕГ-ыг буруу чиглэл рүү хөтөлж олон ажиллагаа нь нурсан гэнэ.
NUUTS.mn
