“Хумсалдаг” хүүхдийг яах вэ ?
.jpg)
Хөөрхөн гэгч “хумсалдаг” хүүхэд байдаг. Чихэр жимс, найзынхаа тоглоом бүр ширээн дээр байсан мөнгийг хүртэл туучихдаг. Ийм үед загнаж дэмлэхийг цээрлэн. Гар хүрч ерөөсөө болохгүй. Харин яагаад ийм зүйлийг дахиж хийж болохгүй вэ гэдгийг сайн тайлбарлаж өг. Хүүхэдтэйгээ ярилцах үед дээрээс дээрэнгүй өнгөөр ярих нь буруу. Харин ярилцах үедээ хүүхэдтэйгээ нэг түвшинд буюу та хоёрын нүд ижил түвшинд байх ёстой. Хүүхэд ижил түвшин зиндаанд ормогц бүх үнэнээ хэлдэг тул энэхүү бяцхан нууцын үнэнд та удахгүй итгэнэ. Ярилцах үедээ хүүхэд үнэхээр гэмшиж бас ичиж байгаа эсэхийг сайн анхаар. Мөн хийсэн хэрэг нь хэр зэрэг хүнд бас хэрхэн залруулж болох зэргийг тооцож үз. Хулгайлсан тоглоомоо буцааж өгөөд уучлал гуй гэвэл энэ нь хүүхдийн хувьд нэр хүндээ гутаасан хэрэг болдог тул өөр арга бодож ол. Хүүхэд тань үнэхээр гэмшиж байгаа бол нэр хүндийг нь яаж ийгээд аврах нь зүйтэй. Үүнд л хүүхэд хамгийн их баярлаж талархдаг. Хүүхэд хулгай хийх нь олон шалтгаантай. Ганц таны ч биш бүх хүүхдийн 95 хувь нь ямар нэгэн зүйл заавал хумсалсан байдаг. Гэхдээ ихэнх нь ганц хоёр удаа л хийх жишээтэй. Хүүхэд дэлгүүрт ороод гоё тоглоом харвал түүнийг өөрийн болгох хүсэл хар аяндаа төрж тэгээд л авчихдаг. Нэг талаар энэ нь өөрт нь юу дутагдаж байгааг эцэг эхдээ харуулах гэсэн сэдэлт байдгийг анхаарч үзэх хэрэгтэй. Мөн найз нөхдийнхөө дунд нэр хүнд олох зорилгоор гэрээ мөнгө “туугаад” найз нараа амттанаар дайлдаг. Судалгаагаар багадаа юм хумсалдаг байсан хүүхдүүдийн ердөө 3 хувь нь л том болоод жинхэнэ хулгайч болдог гэнэ.
NUUTS.MN
