Хүүхдээ хэрхэн багаас нь архинаас хол байлгах вэ
Нийтэлсэн: 2013-03-13 02:08:02
Балчир үрсыг гашуун ундаа руу эцэг эх нь санаатай санамсаргүйгээр түлхэж байдаг. Баян хангалуун амьдралтай боловсролтой гэр бүлийн хүүхэд гэнэт архичин болсох нь бий. Энэ архичны хүүхэд л архичин болдог гэсэн ойлголтыг няцаасаар ирсэн. “Архичин” гени удамшина гэж байхгүй, харин хүн бүрд байдаг согтууруулах ундаанаас хараат болгодог генийг нь л бага насанд л хөдөлгөж орхивол тэр хүүхэд том болоод архичин болдог аж. Удамшлын тухайд хүнийг шинэ мэдрэмж, адал явдал руу түлхэж байдаг доамфин хэмээх даавар тухайн удамшвал нөлөөлж болно. Түүнээс гадна сэтгэл гутрал хямралаас хамгаалагч сератонины хэмжээ бага бол архинд татагдах магадлалтай юм. Хүүхэд бүр эхийн хэвлийд байхдаа л “ууж” эхэлдэг. Жирэмсэн эх хүчтэй эм, тайвшруулах үйлчилгээтэй тариа, дарс шар айраг гээд согтууруулах ундаа хэрэглэвэл л тэр нь урагт шууд очдог. Мөн хүсээгүй жирэмслэлтээс төрсөн хүүхэд ирээдүйд архины хамааралтай болох нь бий.
0-2 настай үед нь : тогтсон цагаар хоолло, тэвэрч үнсэхгүй байх зэргээр хайр энхрийлэлээр дутаах нь ирээдүйд архинаас хамааралтай болж болох юм. Учир нь хайр дутсан хүүхэд заавал түүнтэй төстэй мэдрэмжийг байнга хүсэж эрж хайдаг болчихдог. Том болохоороо түүнийг архиар орлуулж магад. Мөн байнга өлгийдэх нь бас муу талтай. Бяцхан хүүхдийн тархинд энэ боолтоос гарч гар хөлөө чөлөөтэй хөдөлгөх сэдэлт хүчтэй төрдөг. Уудаг хүмүүс эрх чөлөөгөө эдэлж байна гэж их тайлбарладагийн нэг үндэс нь энэ гэнэ.
3-12 настай үед нь : хүүхэд тань сэтгэл хөөрөл ихтэй бол засах хэрэгтэй. Зурагт компьютертэй удаан нөхөрлүүлэх хэрэггүй, хүүхдээ урлаг спортоор хичээллүүлж хоббитой болго, хүхэдтэйгээ байнга ойр дотно бай,
Хамгийн чухал эцэг эх нь өөрсдөө уухгүй байх хэрэгтэй. Хүүхдийн уураг тархи эцэг эхийнхээ үйлдэл бүрийг тэр чигээр хуулан авч хадгалдаг дараа нь дагадаг. Хэрвээ та байнга хүүхдийннхээ нүдэн дээр “шилэн бүрээ үлээж” байх юм бол алаг үрсээ уруу татаж байна гэсэн үг.
NUUTS.MN
