Хүүхдүүд яагаад худал хэлдэг вэ
.jpg)
-хийсэн таагүй үйлдлийнхээ үр дагавар, хариуцлагаас яаж ийгээд мултрах гэсэн сэдэлт л хүүхдийг худал хэлэхэд түлхдэг гол шалтгаан юм. Эцэг эхийн загнах зэмлэх бүр гар хүрэхээс эмээгээд ахиад л худал хэлдэг. Хэрвээ гэмшиж байвал түүнийг загнах зэмлэх хэрэггүй. Худал хэлж байгаа нь мэдэгдвэл ямар нэг асуудал үүсэж гэдгийг ойлго.
-эцэг эхийн хайр халамж дутагдах нь бас нэг шалтгаан болдог. Жишээ нь байнгийн ажилтай хосын бяцхан охин гэнэт худлаа ярьдаг болжээ. Яаж ч оролдоод засаж чадсангүй. эцэст нь эцэг эхийнхээ анхаарлыг татахын тулд худлаа ярьж байсныг нь сэтгэлзүйчид тогтоож өгч.
-заримдаа хүүхэд өөрийнхөө давуу тал, хүч чадал, боломжыг харуулах, бусдаар хүлээн зөвшөөрүүлэх гэсэндээ худал хэлэх нь бий. Ингэж худал хэлэхэд нь эргэн тойрныхон нь итгэх тохиолдол гардаг тул хүүхэд амтанд нь орчихдог агаад энэ зуршлаас нь салгахад нэлээд хэцүү байдаг.
-эцэг эхийгээ зовоохгүй гэсэндээ худлаа хэлэх нь бий. Тэднийхээ үгээр байгаа, хэлсэн болгоныг нь биелүүлдэг гэдгээ нотлох гээд худлаа хэлчихдэг.
-найз нөхөд аврах гэсэндээ бусдын өмнөөс хариуцлага хүлээн худлаа хэлдэг. Хэдийгээр худал хэлэх буруу гэдгийг мэдэж байгаа ч тухайн нөхцөлд зөв зүйл хийж байна гэж итгэдэг.
-хэт мөрөөдөлдөө автаад санаандгүй худлаа хэлдэг. Сургуулийн өмнөх насынхан ихэвчилэн ингэдэг.
-эцэст нь эцэг эх нь худлаа ярьдаг бол хүүхэд нь шууд дууриадаг.
